അന്താരാഷ്ട്ര പുസ്തകമേളയുടെ 8ആം പതിപ്പ് ആരംഭിച്ചു
ബഹ്‌റൈൻ കേരളീയ സമാജവും ഡി സി ബുക്സും സംയുക്തമായി സംഘടിപ്പിക്കുന്ന അന്താരാഷ്ട്ര പുസ്തകമേളയുടെ 8ആം പതിപ്പ് ആരംഭിച്ചു. സമാജം പ്രസിഡൻ്റ് പി.വി.രാധാകൃഷ്ണപിള്ളയുടെ അധ്യക്ഷതയിൽ നടന്ന ചടങ്ങിൽ പ്രശസ്ത ചലച്ചിത്ര താരവും സംവിധായകനും എഴുത്തുകാരനുമായ പ്രകാശ് രാജ് പരിപാടി ഉദ്ഘാടനം ചെയ്തു.
ഡി.സി.ബുക്സ് ഉടമയായ രവി ഡിസി ചടങ്ങിൽ പങ്കെടുക്കുകയും ഡിസി ബുക്സിൻ്റെ നാല്പത്തിയാറാം വാർഷിത്തിൻ്റെ ഭാഗമായി ആയിരം ദിനാർ വിലയുള്ള പുസ്തകങ്ങൾ സമാജം ലൈബ്രറിക്ക് കൈമാറുകയും ചെയ്തു. വിവിധ നൃത്താവിഷ്കാരങ്ങളും പരിപാടിയുടെ ഭാഗമായി നടന്നു.
സമാജം ആക്ടിംഗ് ജനറൽ സെക്രട്ടറി മഹേഷ് പിള്ള സ്വാഗതം പറഞ്ഞ യോഗത്തിൽ പുസ്തകമേളയുടെ ജനറൽ കൺവീനർ ഹരീഷ് നായർ പ്രവർത്തനങ്ങൾ വിശദീകരിച്ചു. സാഹിത്യ വിഭാഗം സെക്രട്ടറി വിനയചന്ദ്രൻ.ആർ.നായർ നന്ദി രേഖപ്പെടുത്തി. സമാജം ഫോട്ടോഗ്രാഫി ക്ലബ്ബ് സംഘടിപ്പിച്ചിരിക്കുന്ന ഫോട്ടോഗ്രാഫി പ്രദർശനത്തിൻ്റെ ഉദ്ഘാടനവും സമാജം വനിതാ വേദി അമ്മമാർക്കും കുട്ടികൾക്കുമായി ജനുവരിയിൽ നടത്തുന്ന "വൗ മാം" എന്ന മത്സര പരിപാടിയുടെ പോസ്റ്റർ പ്രകാശനവും ചടങ്ങിനോടനുബന്ധിച്ച് പ്രകാശ് രാജ് നിർവ്വഹിച്ചു.
കുട്ടികൾക്കായുള്ള 2500 ൽ അധികം ഇംഗ്ലീഷ് മലയാളം പുസ്തകങ്ങൾ ഉൾപ്പടെ 6000 ത്തിൽ അധികം ശീർഷകങ്ങളിലായി ഒരു ലക്ഷത്തിലധികം പുസ്തകങ്ങളാണ് പുസ്തകമേളയിൽ വായനക്കാർക്കായി ഒരുക്കിയിരിക്കുന്നത്.
പ്രശസ്ത കഥാകൃത്തായ അനന്തപത്മനാഭൻ, യുവ എഴുത്തുകാരിൽ ശ്രദ്ധേയരായ അഖിൽ പി. ധർമ്മജൻ, ലതീഷ് കുമാർ, , മാധ്യമ പ്രവർത്തകനായ ഉണ്ണി ബാലകൃഷ്ണൻ, ചലച്ചിത്ര താരവും അവതാരകയുമായ അശ്വതി ശ്രീകാന്ത്, സമൂഹമാധ്യമങ്ങളിലൂടെ ശ്രദ്ധേയയായ ഡോ.സൗമ്യ സരിൻ തുടങ്ങിയവരാണ് വിവിധ ദിവസങ്ങളിൽ അതിഥികളായി ഇവിടെ എത്തുന്നത്.
fgdg
fghfg
fhjfj
ghjgj
dfhh
