ബഹ്റൈൻ കേരളീയ സമാജവും ഡിസി ബുക്സും ചേർന്ന് സംഘടിപ്പിക്കുന്ന അന്തർദേശീയ പുസ്തകോത്സവത്തിന് നാളെ തിരിതെളിയും
ബഹ്റൈൻ കേരളീയ സമാജവും ഡിസി ബുക്സും ചേർന്ന് സംഘടിപ്പിക്കുന്ന അന്തർദേശീയ പുസ്തകോത്സവത്തിന് നാളെ തിരിതെളിയും. സെഗയിലുള്ള സമാജം ഡയമണ്ട് ജൂബിലി ഹാളിൽ നടക്കുന്ന പുസ്തകോത്സവം പ്രശസ്ത നടൻ പ്രകാശ് രാജ് ഉദ്ഘാടനം ചെയ്യും. ഡിസംബർ എട്ട് വരെ നീണ്ടുനിൽക്കുന്ന പുസ്തകോത്സവത്തിൽ എട്ടായിരത്തിലധികം ശീർഷകങ്ങളിൽ പതിനായിരലധികം പുസ്തകങ്ങളാണ് ഉൾപ്പെടുത്തിയിരിക്കുന്നത്.
എല്ലാ ദിവസവും വൈകീട്ട് എട്ട് മണി മുതൽ സാംസ്കാരികപരിപാടികളോടെ ആരംഭിക്കുന്ന പൊതുസമ്മേളനത്തിൽ നിരവധി പ്രശസ്ത എഴുത്തുക്കാരും പങ്കെടുക്കും. ബഹ്റൈൻ പ്രവാസികളുടെതടക്കമുള്ളവരുടെ പുസ്തകങ്ങളും ഇതോടൊപ്പം പ്രകാശനം ചെയ്യും.
ഫോട്ടോഗ്രാഫി പ്രദർശനം, കാലിഡോസ്കോപ്പ്, കുട്ടികൾക്കായുള്ള കഥ പറച്ചിൽ , സമൂഹ ചിത്രരചന, ഫുഡ് ഫെസ്റ്റ് തുടങ്ങിയവയും ഇത് കൂടാതെ ഉണ്ടായിരിക്കും. ഇത് സംബന്ധിച്ച വാർത്തസമ്മേളനത്തിൽ ബികെഎസ് ആക്ടിങ്ങ് പ്രസിഡണ്ട് ദിലീഷ് കുമാർ, ജനറൽ സെക്രട്ടറി വർഗീസ് കാരക്കൽ, പുസ്കോത്സവം കൺവീനർ ഹരീഷ് നായർ, ഡിസി ബുക്സ് പ്രതിനിധി രാജ്മോഹൻ, മറ്റ് സമാജം ഭാരവാഹികൾ എന്നിവർ പങ്കെടുത്തു.
dfgdfg
