സയൻസ് പ്രോജക്ട് അവതരണ മത്സരം സമാപിച്ചു
സയൻസ് ഇന്റർനാഷണൽ ഫോറം ബഹ്റൈൻ ബഹ്റൈനിലെ സി.ബി.എസ്.ഇ വിദ്യാർത്ഥികൾക്കായി സംഘടിപ്പിച്ച സയൻസ് പ്രോജക്ട് അവതരണ മത്സരം സമാപിച്ചു . ഇന്ത്യൻ സ്കൂൾ ഇസ ടൗൺ കാമ്പസ്സിൽ വെച്ച് നടന്ന മത്സരത്തിൽ ബഹ്റൈനിലെ ഏഴ് സ്‌കൂളുകളിൽ നിന്നുമായി ജൂനിയർ,സീനിയർ എന്നീ രണ്ട്‌ വിഭാഗങ്ങളിലായി ഇരുപത്തിരണ്ട് ടീമുകൾ മത്സരത്തിൽ പങ്കെടുത്തു.
വിവിധ യൂണിവേഴ്സിറ്റികളിലെ സയൻസ് വിഭാഗം പ്രൊഫസർമാരാണ് വിധികർത്താക്കളായി എത്തിയിരുന്നത്. ജൂനിയർ വിഭാഗത്തിൽ യഥാക്രമം ബഹറിൻ ഇന്ത്യൻ സ്കൂൾ ,ന്യു മില്ലേനിയം സ്കൂൾ ,ഏഷ്യൻ സ്കൂൾ എന്നിവർ ഒന്നും രണ്ടും മൂന്നും സ്ഥാനങ്ങൾ നേടിയപ്പോൾ സീനിയർ വിഭാഗത്തിൽ ന്യൂ മില്ലേനിയം സ്കൂൾ , ബഹ്റൈൻ ഇന്ത്യൻ സ്കൂൾ , ഏഷ്യൻ സ്കൂൾ എന്നിവർ ഒന്നും രണ്ടും മൂന്നും സ്ഥാനങ്ങൾ കരസ്ഥമാക്കി.
എസ്. ഐ.എഫ് ബഹ്റൈൻ ഉപദേശകസമിതി ചെയർമാൻ രവി വാര്യർ ഫലപ്രഖ്യാപനം നടത്തി. എസ്. ഐ.എഫ് ബഹ്റൈൻ വൈസ് പ്രസിഡൻറ് റഹീഷ് കുമാർ അധ്യക്ഷത വഹിച്ച പരിപാടിയിൽ ജനറൽ സെക്രട്ടറി പ്രശാന്ത് ധർമരാജ് സ്വാഗതവും, ശാം കുട്ടി നന്ദിയും പറഞ്ഞു. പ്രവീൺ ബി പരീക്ഷാനടത്തിപ്പിന് നേതൃത്വം നൽകി.
ു്ി്ു
