ബഹ്‌റൈൻ കേരളീയ സമാജത്തിന്റെ ഇന്റർനാഷണൽ ബാഡ്മിന്റൺ സീരീസ് 2024 ആരംഭിച്ചു
ബഹ്‌റൈൻ കേരളീയ സമാജത്തിന്റെ ഇന്റർനാഷണൽ ബാഡ്മിന്റൺ സീരീസ് 2024 ആരംഭിച്ചു. ഇന്ത്യൻ സ്ഥാനപതി വിനോദ് കെ ജേക്കബ് ടൂർണമെന്റ് ഉദ്ഘാടനം ചെയ്തു. ആക്ടിങ് വൈസ് പ്രസിഡന്റ് ദിലീഷ് കുമാർ വിഎസ് അധ്യക്ഷത വഹിച്ച ചടങ്ങിൽ ബഹ്‌റൈൻ കേരളീയ സാമാജം ജനറൽ സെക്രട്ടറി വർഗ്ഗീസ് കാരക്കൽ സ്വാഗതം പറഞ്ഞു.
ശ്രീലങ്കൻ സ്ഥാനപതി വിജരത്നെ മെന്റിസ്, ഫിലിപ്പൈൻ എംബസി കൗൺസൽ ബ്രയാൻ ജെസ് ബാഗിയോ, ബിബിഎസ്എഫ് സെക്രട്ടറി ജനറൽ ഹിഷാം അൽ അബ്ബാസി, പ്രധാന പ്രായോജകരായ അൽ ഷെരീഫ് ഗ്രൂപ്പ് പ്രതിനിധി ശ്രീ പോൾസൺ ലോനപ്പൻ, ഇൻഡോർ ഗെയിംസ് സെക്രട്ടറി നൗഷാദ്, ടൂർണമെന്റ് ഡയറക്ടർ അൽതാഫ് അഹമ്മദ്, മാച്ച് റഫറി ഉദയ് സാൻ, ഡെപ്യൂട്ടി റഫറി ഷാനിൽ അബ്ദുൾ റഹീം തുടങ്ങിയവർ പങ്കെടുത്തു. മത്സരങ്ങളെ കുറിച്ചുള്ള കൂടുതൽ വിവരങ്ങൾക്ക്, ഇൻഡോർ ഗെയിംസ് സെക്രട്ടറി നൗഷാദ് മുഹമ്മദുമായി 3977 7801 എന്ന നമ്പറിൽ ബന്ധപ്പെടാവുന്നതാണ്.
ൗൈീൗൈീീീീ
