സോപാനം വാദ്യകലാസംഘത്തിന്റെ വാദ്യസംഗമം നാളെ
സോപാനം വാദ്യകലാസംഘത്തിന്റെ വാദ്യസംഗമം നാളെ വൈകിട്ട്‌ 3 മണി മുതൽ ജുഫൈർ അൽ നജ്മ ക്ലബിൽ നടക്കും. സോപാനം വാദ്യകലാസംഘം ഡയറക്റ്റർ മേളകലാരത്നം സന്തോഷ കൈലാസിന്റെ നേതൃത്വത്തിൽ നടക്കുന്ന പരിപാടിയിൽ കേരള സംഗീത നാടക അക്കാദമി ചെയർമാൻ പത്മശ്രീ മട്ടന്നൂർ ശങ്കരൻ കുട്ടി മാരാർ, പ്രശസ്ത സിനിമാതാരവും നർത്തകിയുമായ ലക്ഷ്മി ഗോപാലസ്വാമി എന്നിവർ മുഖ്യസാന്നിധ്യമാകും. സ്ത്രീകളും കുട്ടികളും പുരുഷന്മാരും അടക്കം 35 ൽ പരം ആളുകളാണ് അരങ്ങേറ്റം നടത്തുന്നത്.
മട്ടന്നൂർ ശ്രീകാന്ത്‌, മട്ടന്നൂർ ശ്രീരാജ്‌, ചിറക്കൽ നിധീഷ്‌ എന്നിവർ നയിക്കുന്ന തായമ്പകത്രയം, സോപാനസംഗീതരത്നം അമ്പലപ്പുഴ വിജയകുമാറിന്റെ നേതൃത്വത്തിൽ 51 അംഗ സോപാനസംഗീതജ്ഞർ അണിനിരക്കുന്ന സോപാനസംഗീത അവതരണം, 251 വാദ്യകലാകാരന്മാർ അണിനിരക്കുന്ന പഞ്ചാരി, പുല്ലാംകുഴൽ വാദകൻ രാജേഷ്‌ ചേർത്തലയും സംഘവും നയിക്കുന്ന ഫ്ലൂട്ട് ഫ്യൂഷൻ, ഘോഷയാത്ര, സാംസ്കാരിക സമ്മേളനം എന്നിവയും അരങ്ങേറും.
fgfgfddes
