പ്രതിഭ വനിത ഏകദിന കായികമേള; മുഹറഖ്-മനാമ മേഖലകൾ സംയുക്ത ഓവറോൾ ചാമ്പ്യന്മാർ
ബഹ്റൈൻ പ്രതിഭാ വനിതാവേദി വനിതകൾക്കു മാത്രമായി നടത്തിയ ഏകദിന കായികമേള - 2024' സിഞ്ചിലുള്ള ഇത്തിഹാദ് ക്ലബ്ബിൽ വച്ച് നടന്നു. പ്രതിഭ മുഖ്യ രക്ഷാധികാരി പി. ശ്രീജിത് കായിക മേള ഉദ്ഘാടനം ചെയ്തു. കായിക മേള കൺവീനർ ദീപ്തി രാജേഷ് സ്വാഗതം പറഞ്ഞ ഉദ്ഘാടന ചടങ്ങിൽ വനിത വേദി പ്രസിഡണ്ട് ഷമിത സുരേന്ദ്രൻ അദ്ധ്യക്ഷത വഹിച്ചു. പ്രതിഭാ ജനറൽ സെക്രട്ടറി മിജോഷ് മൊറാഴ, രക്ഷാധികാരി സമിതി അംഗം ഷീബ രാജീവൻ, വനിതാ വേദി സെക്രട്ടറി റീഗ പ്രദീപ്‌ എന്നിവർ ആശംസ പ്രസംഗം നടത്തി. കായിക മേള ജോയിന്റ് കൺവീനർ ഹർഷ ബബീഷ് നന്ദി പറഞ്ഞു. 80 വനിതകൾ പങ്കെടുത്ത ആവേശകരമായ മത്സരങ്ങളിൽ 68 പോയിന്റ് വീതം നേടിയ മനാമ- മുഹറക് മേഖലകൾ സംയുക്ത ഓവറോൾ ചാമ്പ്യന്മാരായി. 60 പോയിന്റ് നേടിയ റിഫാ മേഖല റണ്ണറപ്പ് ട്രോഫി കരസ്ഥമാക്കി. സൽമാബാദ് മേഖല 15 പോയിന്റ് നേടി. മുഹറക്ക് മേഖലയുടെ റിനി പ്രിൻസ് ഏറ്റവും കൂടുതൽ പോയൻ്റ് നേടി കൊണ്ട് വ്യക്തിഗത ചാമ്പ്യനായി. മുഴുവൻ വിജയികൾക്കും മെഡലുകൾ കൈമാറി.
cdxzadsads
