ബഹ്‌റൈൻ ഇന്റർനാഷനൽ സീരീസ് ബാഡ്മിന്റൺ ടൂർണമെന്റിന് തുടക്കമായി
ബഹ്‌റൈൻ ഇന്റർനാഷനൽ സീരീസ് ബാഡ്മിന്റൺ ടൂർണമെന്റ് ഇന്ത്യൻ ക്ലബിൽ ഇന്ന് ആരംഭിച്ചു. ബഹ്‌റൈൻ ബാഡ്മിന്റൺ & സ്ക്വാഷ് ഫെഡറേഷനുമായി സഹകരിച്ചാണ് ഇന്ത്യൻ ക്ലബ് ‘ദി ബഹ്‌റൈൻ ഇന്റർനാഷനൽ സീരീസ് ബാഡ്മിന്റൺ ടൂർണമെന്റ് 2023’ സംഘടിപ്പിക്കുന്നത്. നവംബർ 17 വരെ നടക്കുന്ന ടൂർണമെന്റിൽ 15 രാജ്യങ്ങളിൽനിന്ന് 140 ലധികം അന്താരാഷ്ട്ര താരങ്ങളാണ് പങ്കെടുക്കുന്നത്.
ഇന്ത്യയിൽനിന്നാണ് ഏറ്റവും കൂടുതൽ കളിക്കാർ പങ്കെടുക്കുന്നത്. ബഹ്‌റൈൻ കളിക്കാർക്ക് പുറമെ, ബൾഗേറിയ, ഇറാൻ, സൗദി അറേബ്യ, മലേഷ്യ, പാകിസ്താൻ, ഫിലിപ്പീൻസ്, പോളണ്ട്, സിംഗപ്പൂർ, സ്ലൊവാക്യ, ശ്രീലങ്ക, യു.എ.ഇ, ഉഗാണ്ട അടക്കം രാജ്യങ്ങളിൽനിന്നുള്ള കളിക്കാരുമുണ്ടാകും. കൂടുതൽ വിവരങ്ങൾക്ക് ക്ലബ് 39623936 അല്ലെങ്കിൽ 35007544 എന്നീ നമ്പറുകളിൽ ബന്ധപ്പെടാവുന്നതാണ്.
േ്ോേ്
