ഫെഡറേഷൻ കപ്പ് നാടൻ പന്തുകളി ടൂർണമെന്റിൽ അരീപ്പറമ്പ് ടീം വിജയികൾ
ബഹ്‌റൈൻ കേരള നേറ്റീവ് ബാൾ ഫെഡറേഷന്റെ നേതൃത്വത്തിൽ നടന്ന നാലാമത് ഫെഡറേഷൻ കപ്പ് നാടൻ പന്തുകളി ടൂർണമെന്റിന്റെ ഫൈനൽ മത്സരത്തിൽ കണ്ണഞ്ചിറ ടീമിനെ പരാജയപ്പെടുത്തി അരീപ്പറമ്പ് ടീം വിജയികളായി. അൽ അഹ്‍ലി ക്ലബ് മൈതാനിയിൽ നടന്ന ഫൈനൽ മത്സരത്തിന്റെ ഉദ്ഘാ ടനം ബഹ്‌റൈൻ പ്രതിഭ പ്രസിഡന്റ് ബിനു മണ്ണിൽ നിർവഹിച്ചു. വിജയികൾക്ക് ഇ.കെ. ഈശോ ഈരേച്ചേരിൽ എവർറോളിങ് ട്രോഫിയും, എബ്രഹാം കോർ എപ്പിസ്കോപ്പ കരിമ്പനത്തറ മെമ്മോറിയൽ എവർ റോളിങ് ട്രോഫിയും കാഷ് അവാർഡും, രണ്ടാം സ്ഥാനക്കാർക്ക് എം.സി. മണ്ണൂർ മെമ്മോറിയൽ എവർ റോളിങ് ട്രോഫിയും കാഷ് അവാർഡും നൽകി.
ആക്റ്റിങ് പ്രസിഡന്റ് സൈജു ചാക്കോ തോമസ് അധ്യക്ഷനായ സമാപന സമ്മേളനം മുഹമ്മദ്‌ ഹുസൈൻ അൽ ജനഹി എം.പി ഉദ്ഘാടനം ചെയ്തു. ബഹ്‌റൈൻ സെന്റ് പീറ്റേഴ്സ് ഇടവക വികാരി ഫാ. ജോൺസ് ജോൺസൺ മുഖ്യ അതിഥി ആയിരുന്നു.
ിേ്ി
