തലശ്ശേരി മാഹി കൾച്ചറൽ അസോസിയേഷൻ മനാമ കെ.എം.സി.സി ഹാളിൽ മുഖാമുഖം പരിപാടി സംഘടിപ്പിച്ചു
തലശ്ശേരി മാഹി കൾച്ചറൽ അസോസിയേഷൻ മനാമ കെ.എം.സി.സി ഹാളിൽ മുഖാമുഖം പരിപാടി സംഘടിപ്പിച്ചു. നൂറോളം അംഗങ്ങള്‍ പങ്കെടുത്തു. പ്രസിഡന്‍റ് ഷംസു വി.പിയുടെ അധ്യക്ഷതയിൽ ചേര്‍ന്ന യോഗം എഫ്.എം. ഫൈസൽ ഉദ്ഘാടനം ചെയ്തു. സെക്രട്ടറി നവാസ് സ്വാഗതവും ഫിറോസ് മാഹി നന്ദിയും പറഞ്ഞു. സ്പോർട്സ് ആൻഡ് കൾചറൽ സെക്രട്ടറി ജാവേദ് ചോദ്യത്തരവേദി നിയന്ത്രിച്ചു.
രക്ഷാധികാരി സാദിഖ് കുഞ്ഞിനെല്ലി പുതിയ പ്രവര്‍ത്തനങ്ങളിലൂടെ സംഘടന കൂടുതൽ മികവുറ്റതാക്കാനുള്ള രൂപരേഖ അവതരിപ്പിച്ചു. ട്രഷറർ അഫ്സൽ ഭാവി പ്രവർത്തന രീതികളെക്കുറിച്ച് വിശദീകരീച്ചു. നസീബ്, ബിന്യാമിന്‍, ഷമീം, സഹല്‍, റാഷിദ്, ഹഫ്സല്‍, മിഥുലാജ്, റഹീസ്, സാജിദ് തുടങ്ങിയവർ നേതൃത്വം നൽകി.
esef
