വോയ്സ് ഓഫ് ആലപ്പി മുഹറഖ് ഏരിയ സ്നേഹ സംഗമവും സമ്മാന വിതരണവും നടത്തി
വോയ്സ് ഓഫ് ആലപ്പി മുഹറഖ് ഏരിയ കമ്മറ്റിയുടെ നേതൃത്വത്തിൽ സ്നേഹ സംഗമവും സമ്മാന വിതരണവും നടത്തി. മുഹറഖ് റുയാൻ ഫാർമസിക്ക് സമീപം നടന്ന സംഗമം സെൻട്രൽ കമ്മറ്റി വൈസ് പ്രസിഡന്റ് അനസ് റഹിം ഉദ്ഘാടനം ചെയ്തു. ഏരിയ പ്രസിഡന്റ് ഗോകുൽ കൃഷ്ണൻ അധ്യക്ഷൻ ആയിരുന്നു. കഴിഞ്ഞ രണ്ട് വർഷക്കാലം വോയ്സ് ഓഫ് ആലപ്പിയുടെ നേതൃത്വത്തിൽ നടത്തിയ ജീവകാരുണ്യ കലാ സാംസ്കാരിക പ്രവർത്തനങ്ങളെ കുറിച്ച് ഉദ്ഘാടന പ്രസംഗത്തിൽ അനസ് റഹിം വിശദീകരിച്ചു.
എന്റർടൈൻമെന്റ് സെക്രട്ടറി ദീപക് തണൽ, സെൻട്രൽ എക്സിക്യുട്ടീവ് അംഗം സന്തോഷ്‌ ബാബു, അതുൽ ശംഭു, അൻഷാദ് റഹിം എന്നിവർ ആശംസകൾ നേർന്നു. ചടങ്ങിൽ വിവിധ കലാ പരിപാടികളും അരങ്ങേറി. സ്വാതന്ത്ര്യദിന പ്രസംഗ മത്സരങ്ങളിൽ വിജയികളായ കുട്ടികൾക്ക് ഉള്ള സമ്മാന വിതരണവും ഇതോടൊപ്പം നടന്നു. ഏരിയ സെക്രട്ടറി നിതിൻ ചെറിയാൻ സ്വാഗതവും ട്രഷറർ രാജേഷ് കുമാർ നന്ദിയും പറഞ്ഞു.
asdsd
