ബഹ്റൈൻ ഇന്റർനാഷനൽ ബാഡ്മിന്റൺ സീരീസ് -2 നവംബർ 19ന് ആരംഭിക്കും
മനാമ:
യോനെക്‌സ് ബഹ്റൈന്റെ സഹകരണത്തോടെ അൽ ഷെരീഫ് ഗ്രൂപ് ബഹ്റൈൻ ഇന്റർനാഷനൽ ബാഡ്മിന്റൺ സീരീസ് -2 ഈ മാസം19 മുതൽ 24 വരെ ബഹ്റൈൻ കേരളീയ സമാജത്തിൽ നടക്കുമെന്ന് ബി.കെ.എസ് പ്രസിഡന്റ് പി.വി. രാധാകൃഷ്ണ പിള്ള, ജനറൽ സെക്രട്ടറി വർഗീസ് കാരക്കൽ എന്നിവർ വാർത്ത സമ്മേളനത്തിൽ അറിയിച്ചു. ബഹ്‌റൈനിലെ ഏറ്റവും മികച്ച റാങ്കുള്ള ബാഡ്മിന്റൺ ടൂർണമെന്റാണിത്.
ടൂർണമെന്റിന് പ്രാദേശിക ബാഡ്മിന്റൺ ഏഷ്യ കോൺഫെഡറേഷന്റെ കീഴിലുള്ള ബാഡ്മിന്റൺ വേൾഡ് ഫെഡറേഷന്റെ അനുമതിയുണ്ട്. 20 ൽപരം രാജ്യങ്ങളിൽനിന്നുള്ള 150 ലധികം കളിക്കാർ പങ്കെടുക്കും. അന്താരാഷ്ട്ര നിലവാരത്തിൽ രൂപകൽപന ചെയ്‌തിരിക്കുന്ന വേദിയിലാണ് മത്സരം നടക്കുന്നത്. കൂടുതൽ വിവരങ്ങൾക്ക് ഇൻഡോർ ഗെയിംസ് സെക്രട്ടറി നൗഷാദ് മുഹമ്മദുമായി 3977 7801 എന്ന നമ്പറിൽ ബന്ധപ്പെടാവുന്നതാണ്.
aa
