ലാൽസൺ പുള്ളിന്റെ അഞ്ചാം ചരമ വാർഷികത്തോട് അനുബന്ധിച്ച് നടത്തുന്ന സൗജ്യന മെഡിക്കൽ ക്യാമ്പ് ആരംഭിച്ചു
ഐ.വൈ.സി.സി ബഹ്‌റൈന്റെ മുൻ ഭാരവാഹിയായിരുന്ന ലാൽസൺ പുള്ളിന്റെ അഞ്ചാം ചരമ വാർഷികത്തോട് അനുബന്ധിച്ച് സൽമാബാദ് അൽ ഹിലാൽ ഹോസ്പിറ്റലുമായി സഹകരിച്ചു ട്യൂബ്ലി - സൽമാബാദ് ഏരിയ കമ്മിറ്റി നടത്തുന്ന സൗജ്യന മെഡിക്കൽ ക്യാമ്പ് ആരംഭിച്ചു. പ്രസിഡന്റ്‌ നവീൻ ചന്ദ്രന്റെ അധ്യക്ഷതയിൽ ചേർന്ന പരിപാടിയിൽ ബഹ്‌റൈൻ ഇന്ത്യൻ സ്കൂൾ ഭരണസമിതി അംഗം ബിജു ജോർജ് ക്യാമ്പ് ഉദ്ഘാടനം ചെയ്തു. നവംബർ 15 വരെ രാവിലെ 8.00 മണി മുതൽ ഉച്ചക്ക് 1.00 മണി വരെയാണ് ക്യാമ്പ് നടക്കുന്നത്. വിവിധ ടെസ്റ്റുകളും, ഡോക്ടർ കൺസൽട്ടേഷനുമടക്കമുള്ള വിവിധ സേവനങ്ങളാണ് ക്യാമ്പിലൂടെ സൗജന്യമായി നൽകുന്നത്.
ഉദ്ഘാടന പരിപാടിയിൽ ഐ.വൈ.സി.സി ബഹ്‌റൈൻ ദേശീയ വൈസ് പ്രസിഡന്റ്‌ ഷംഷാദ് കാക്കൂർ, ജനറൽ സെക്രട്ടറി രഞ്ജിത്ത് മാഹി, ദേശീയ സ്പോർട്സ് വിങ് കൺവീനർ റിനോ സ്കറിയ, ദേശീയ ഐ.ടി ആന്റ് മീഡിയ വിങ് കൺവീനർ ജമീൽ കണ്ണൂർ, ഹമദ് ടൌൺ ഏരിയ പ്രസിഡന്റ്‌ വിജയൻ ടി.പി, മുഹറഖ് ഏരിയ പ്രസിഡന്റ്‌ മണികണ്ഠൻ ചന്ദ്രോത്ത്, തുടങ്ങിയവർ സംബന്ധിച്ചു. ലാൽസൺ മെമ്മോറിയൽ വിദ്യാനിധി സ്ക്കോളർഷിപ്പ് നാലാം ഘട്ട പോസ്റ്റർ പ്രകാശനവും ചടങ്ങിൽ നടന്നു. ഏരിയ സെക്രട്ടറി ഷാഫി വയനാട് സ്വാഗതവും, ഏരിയ ട്രെഷറർ ഫൈസൽ പട്ടാമ്പി നന്ദിയും പറഞ്ഞു. മെഡിക്കൽ ക്യാമ്പിന്റെ കൂടുതൽ വിവരങ്ങൾക്ക് 35590391അല്ലെങ്കിൽ 35019446 എന്നീ നമ്പറുകളിൽ ബന്ധപ്പെടാവുന്നതാണ്.
sgdfg
