കേരളീയം ക്വിസ് 2024ന് ആവേശകരമായ പ്രതികരണം; 24 സംഘടനകൾ റെജിസ്റ്റർ ചെയ്തു
ഫോർ പിഎം സംഘടിപ്പിക്കുന്ന കേരളീയം ക്വിസ് 2024ന് ആവേശകരമായ പ്രതികരണം. ബഹ്റൈനിലെ 24 സംഘടനകളാണ് ക്വിസ് മത്സരത്തിൽ പേരുകൾ റെജിസ്റ്റർ ചെയ്തിരിക്കുന്നത്. നവംബർ 14ന് വൈകീട്ട് നടക്കുന്ന പ്രിലിമിനറി റൗണ്ടിന് ശേഷം തെര‍ഞ്ഞെടുക്കപ്പെടുന്ന 12 ടീമുകളാണ് സെമിഫൈനൽ റൗണ്ടുകളിൽ മത്സരിക്കുന്നത്. നവംബർ 15ന് വൈകീട്ട് ആറ് മണി മുതൽക്കാണ് സെമി ഫൈനലും, ഫൈനലും നടക്കുന്നത്. പ്രശസ്ത ക്വിസ് മാസ്റ്റർ ബോണി ജോസഫാണ് മത്സരം നയിക്കുന്നത്. പിപി സുരേഷ്, അജയ് നായർ എന്നിവരടങ്ങിയ ടീമാണ് മത്സരത്തിന് വേണ്ട സാങ്കേതിക സഹായങ്ങൾ നൽകുന്നത്. വിശ്വനാഥ് ഭാസ്കറാണ് ഈവന്റ് കോർഡിനേറ്റർ.
അഞ്ഞൂറ് ദിനാറിലധികം വരുന്ന സമ്മാനങ്ങളാണ് ആദ്യ മൂന്ന് വിജയികൾക്ക് നൽകുന്നത്. കൂടുതൽ വിവരങ്ങൾക്ക് 36458398 അല്ലെങ്കിൽ 39235913 എന്നീ നമ്പറുകളിലാണ് ബന്ധപ്പെടേണ്ടത്. ടോയോ ടയേർസ്, എൻ ഇ സി റെമിറ്റ്, കലാകേന്ദ്ര, നിറപറ എന്നിവർ മുഖ്യ പ്രായോജകർ ആകുന്ന പരിപാടിയിൽ ബ്രെയിനോ ബ്രെയിൻ, ദാർ അൽ ഷിഫ മെഡിക്കൽ സെന്റർ, മംഗള, ശ്രീജാസ് വിസ്ഡം എന്നിവരാണ് സഹപ്രായോജകർ.
sdgds
