ബഹ്റൈനിലെ ബികാസ് കൂട്ടായ്മ 'ദീപാവലി ഉത്സവ് 2024' സംഘടിപ്പിക്കുന്നു
ബഹ്റൈനിലെ ബികാസ് കൂട്ടായ്മ കോൺവെക്‌സ് മീഡിയയുമായി സഹകരിച്ച് 'ദീപാവലി ഉത്സവ് 2024' എന്ന പേരിൽ സംഘടിപ്പിക്കുന്ന ആഘോഷ പരിപാടികൾ നാളെ ബഹ്റൈൻ കേരളീയ സമാജത്തിൽ നടക്കും. രാവിലെ 9-നു ആരംഭിക്കുന്ന രംഗോലി മത്സരത്തിൽ ഇന്ത്യയിലെ വിവിധ സംസ്ഥാനങ്ങളിലെ നിരവധി ടീമുകൾ പങ്കെടുക്കും.വൈകുന്നേരം 4-നു വിവിധ സംസ്ഥാനങ്ങളെ പ്രതിനിധീകരിച്ചു സാംസ്കാരിക കലാപരിപാടികൾ അരങ്ങേറും. വൈകുന്നേരം 5.30-ന് ആരംഭിക്കുന്ന ഉദ്ഘാടന സമ്മേളനത്തിൽ ബഹ്റൈനിലെ ഇന്ത്യൻ സ്ഥാനപതി വിനോദ് കെ ജേക്കബ് മുഖ്യാതിഥിയായും, ബഹ്റൈൻ പാർലമെൻ്റ് അംഗം മുഹമ്മദ് ഹുസൈൻ അൽ ജനാഹി വിശിഷ്‌ട അതിഥിയായും പങ്കെടുക്കുമെന്ന് സംഘാടകർ അറിയിച്ചു.
വൈകുന്നേരം 7.30-നു പിന്നണി ഗായകൻ നിഖിൽ മാത്യു നയിക്കുന്ന മ്യൂസിക് ബാൻഡിൽ സോണി ടി വി റിയാലിറ്റി ഷോ ഫൈനലിസ്റ്റ് റിതുരാജ്, റിയാലിറ്റി ഷോ താരങ്ങളായ യദു കൃഷ്‌ണ, ശ്രീലക്ഷ്‌മി, വയലിനിസ്റ്റ് വിഷ്ണു നായർ തുടങ്ങിയവർ പങ്കെടുക്കും. പരിപാടിയിലേക്കുള്ള പ്രവേശനം സൗജന്യമായിരിക്കും.
sdfdsf
