ഇടവകാദിനാഘോഷം സംഘടിപ്പിച്ച ബഹ്റൈൻ മാർത്തോമ ഇടവക
മനാമ:
ബഹ്റൈൻ മാർത്തോമ ഇടവകയുടെ അറുപ്പത്തിയൊന്നാം ഇടവകദിനത്തോടനുബന്ധിച്ചുള്ള പൊതു സമ്മേളനം സനദിലെ മാർത്തോമ്മാ കോംപ്ലക്സിൽ വെച്ച് മലങ്കര മാർത്തോമ്മാ സുറിയാനി സഭയുടെ കോട്ടയം കൊച്ചി ഭദ്രാസന അദ്ധ്യക്ഷൻ തോമസ് മാർ തിമൊഥെയൊസ് എപ്പിസ്കോപ്പാ ഉദ്ഘാടനം ചെയ്തു.
കിംഗ് ഹമദ് ഗ്ലോബൽ സെന്റർ ഫോർ പീസ്‌ൾകോ-എക്സിസ്റ്റൻസ് എക്സിക്യൂട്ടീവ് ഡയറക്ടർ അബ്ദുല്ല ഇസ്സ അൽ മന്നായി മുഖ്യാതിഥി ആയിരുന്നു.മുൻ വികാരി റവറന്റ് കെ. എം. ജോൺ, റവറന്റ് ജോസഫ് ജെ.അയിരൂർകുഴി, റവറന്റ് മാത്യൂ ചാക്കോ എന്നിവർ ആശംസകൾ അറിയിച്ചു.
ഇടവക വികാരി റവ.ബിജു ജോൺ അദ്ധ്യക്ഷത വഹിച്ച യോഗത്തിൽ ട്രസ്റ്റി ബിജു കുഞ്ഞച്ചൻ സ്വാഗതവും കൺവീനർ ബിജു കെ. നൈനാൻ നന്ദിയും രേഖപ്പെടുത്തി. സെക്രട്ടറി സൺസി ചെറിയാൻ ഇടവക ദിന റിപ്പോർട്ട് അവതരിപ്പിച്ചു. ഇടവകാംഗത്വത്തിൽ ഇരുപ്പത്തിയഞ്ചും നാൽപതും വർഷം പൂർത്തിയാക്കിയവരെയും നടപ്പു വർഷത്തിൽ 60 വയസ്സ് തികഞ്ഞ മുതിർന്ന അംഗങ്ങളെയും ചടങ്ങിൽ ആദരിച്ചു.
10, +2 ക്ലാസ്സുകളിൽ ഉന്നത വിജയം കരസ്ഥമാക്കിയ കുട്ടികൾക്കുള്ള അവാർഡുകളും വിതരണം ചെയ്തു.സഹ വികാരി റവറന്റ് ബിബിൻസ് മാത്യൂസ് ഓമനാലി, ഇടവക അക്കൗണ്ടന്റ് ചാൾസ് വർഗീസ്, ആത്മായ ശുശ്രൂഷകരായ ജിജി തോമസ്, ജോബി എം ജോൺസൻ എന്നിവരും പരിപാടിയിൽ സന്നിഹിതരായിരുന്നു.
aa
