വേൾഡ് മലയാളി കൗൺസിൽ ബഹ്‌റൈൻ പ്രൊവിൻസിന്റെ കുടുംബസംഗമം നടന്നു
വേൾഡ് മലയാളി കൗൺസിൽ ബഹ്‌റൈൻ പ്രൊവിൻസിന്റെ കുടുംബസംഗമം നടന്നു. ആക്ടിങ് പ്രസിഡന്റ് തോമസ് വൈദ്യൻ അധ്യക്ഷത വഹിച്ച ചടങ്ങിൽ ജനറൽ സെക്രട്ടറി അമൽദേവ് സ്വാഗതം പറഞ്ഞു. തിരുവനന്തപുരത്ത് നടന്ന വേൾഡ് മലയാളി കൗൺസിൽ 14ആമത് ഗ്ലോബൽ കോൺഫറൻസിൽ ബഹ്‌റൈൻ പ്രൊവിൻസിൽനിന്നും ഗ്ലോബൽ കമ്മിറ്റിയിലേക്ക് തെരഞ്ഞെടുക്കപ്പെട്ട ഗ്ലോബൽ ജോയന്റ് ട്രഷറർ ബാബു തങ്ങളത്തിൽ, ഗ്ലോബൽ അഡ്വൈസറി കമ്മിറ്റി ചെയർമാൻ ജെയിംസ് ജോൺ, ഗ്ലോബൽ എജുക്കേഷൻ കൗൺസിൽ ചെയർപേഴ്സൻ ഷെമിലി പി. ജോൺ, ഗ്ലോബൽ ആർട്സ് ആൻഡ് കൾചറൽ ഫോറം ജനറൽ സെക്രട്ടറി വിനോദ് നാരായണൻ എന്നിവരെ വേൾഡ് മലയാളി കൗൺസിൽ ബഹ്‌റൈൻ പ്രൊവിൻസ് ചെയർമാൻ ദേവരാജൻ പൊന്നാട അണിയിച്ചു.
ഓണം 2024 നോട് അനുബന്ധമായി ബഹ്‌റൈൻ ഇന്ത്യൻ ക്ലബ് നടത്തിയ പൂക്കളമത്സരത്തിൽ രണ്ടാംസ്ഥാനം കരസ്ഥമാക്കിയ ബഹ്‌റൈൻ പ്രൊവിൻസിലെ ടീമംഗങ്ങളായ ജീന നിയാസ്, മിനി പ്രിമിലാഷ്, മീര വിജേഷ്, അർച്ചന വിപിൻ എന്നിവർക്ക് എക്സിക്യൂട്ടിവ് കമ്മിറ്റിയംഗങ്ങളായ ഹരീഷ് നായർ, അമൽ ദേവ്, സുജിത് കൂട്ടാല, തോമസ് വൈദ്യൻ എന്നിവർ മെമന്റോ നൽകി അഭിനന്ദിച്ചു. ഇതോടൊപ്പം വിമൻസ് ഫോറം ജനറൽ സെക്രട്ടറി അനു അലനും കുടുംബത്തിനും യാത്രയയപ്പ് നൽകി. ബാബു തങ്ങളത്തിൽ, ജെയിംസ് ജോൺ, വനിത വിഭാഗം പ്രസിഡന്റ് ഷെജിൻ സുജിത് എന്നിവർ ചേർന്ന് അനു അലന് മൊമെന്റോ കൈമാറി. ട്രഷറർ ഹരീഷ് നായർ നന്ദി രേഖപ്പെടുത്തി.
േ്ിേി
