ഐ.വൈ.സി.സി ഹിദ്ദ് - അറാദ് ഏരിയ കൺവെൻഷൻ
ഐ.വൈ.സി.സി ഹിദ്ദ് - അറാദ് ഏരിയ കൺവെൻഷൻ നടന്നു. ഏരിയ പ്രസിഡന്റ്‌ റോബിൻ കോശിയുടെ അധ്യക്ഷതയിൽ ചേർന്ന യോഗം ഐ.വൈ.സി.സി ബഹ്‌റൈൻ ദേശീയ ഉപാധ്യക്ഷൻ ഷംഷാദ് കാക്കൂർ ഉദ്ഘാടനം ചെയ്തു. മിൽക്കെ ചലോ എന്ന പേരിൽ ഹിദ്ദ് മിഡിലീസ്റ്റ്‌ ഹോസ്പിറ്റൽ ഹാളിൽ വെച്ചു നടന്ന പരിപാടി വയനാട് ഉരുൾപൊട്ടൽ ദുരന്തത്തിൽ അനുശോചിച്ചു. ഐ.വൈ.സി.സി ബഹ്‌റൈൻ മുൻ ദേശീയ പ്രസിഡന്റ്‌ ബേസിൽ നെല്ലിമറ്റം മുഖ്യ പ്രഭാഷണം നടത്തി.
ദേശീയ ജനറൽ സെക്രട്ടറി രഞ്ജിത്ത് മാഹി, ദേശീയ ട്രഷറർ ബെൻസി ഗനിയുഡ് വാസ്റ്റിൻ എന്നിവർ സംസാരിച്ചു. ഡോക്ടർ ജെയ്സ് ജോയിയുടെ നേതൃത്വത്തിൽ ഡോക്ടർ ടോക്കും പരിപാടിയുടെ ഭാഗമായി നടന്നു. ഏരിയ കമ്മിറ്റി ഓൺലൈനിലൂടെ നടത്തിയ ബ്രെയിൻ ബസ്റ്റർ ക്വിസ് മത്സരത്തിൽ ആദ്യ സ്ഥാനം നേടിയ നിസാം എൻ.കെ, രണ്ടാം സ്ഥാനം നേടിയ രാജേഷ് പന്മന എന്നിവർക്കുള്ള സമ്മാന വിതരണവും നടത്തി. ഏരിയ സെക്രട്ടറി നിധിൻ ചെറിയാൻ സ്വാഗതവും ഏരിയ ട്രഷറർ ഷനീഷ് സദാനന്ദൻ നന്ദിയും പറഞ്ഞു.
asfsdf
